20 tonna shaftoli Rossiyadan O‘zbekistonga qaytarildi

Chelyabinsk viloyatiga zararkunandalar aniqlangan 20 tonna nektarinni olib kirish taqiqlandi. 

"Rosselxoznadzor"ning Chelyabinsk bo‘limi boshqarmasi ma'lumotlariga ko‘ra, 20 tonna nektarin Rossiya viloyatiga O‘zbekistondan bozorlar va savdo tarmoqlarida sotish uchun yo‘llangan. 

Yuqorida nomi qayd etilgan idora mutaxassislari mahsulotlarga zarar yetganini aniqlashgan.

Manbada ta'kidlanishicha, ekspertlar mevalardan kapalak qurtini topishgan. Zararkunandaning mintaqa hududida tarqalishi oldini olish uchun nektarinlar yuklangan avtomobil O‘zbekistonga yetkazib beruvchiga qaytarildi.