Xitoyda to‘qqiz kishi yuk mashinasi ishtirokidagi YTH natijasida halok bo‘ldi

Xitoyning Guandun provinsiyasida yuk mashinasi ishtirokida yuz bergan yo‘l-transport hodisasi natijasida to‘qqiz kishi halok bo‘ldi. Bu haqda «Sinxua» mahalliy politsiyaga tayanib xabar bermoqda.

Aniqlik kiritilishicha, hodisa Xueydun uyezdida sodir bo‘lgan.

Yo‘l-transport hodisasi natijasida sement tashuvchi mashina ag‘darilib ketgan va ikkita yengil avtomobilni bosib qolgan. Yana ikki kishi tan jarohati oldi.

Ro‘y bergan hodisa sabablari aniqlashtirilmoqda.

Eslatib o‘tamiz, avvalroq Meksikada avtobus va yuk mashinasi to‘qnashgani oqibatida 11 kishi halok bo‘lgani xabar qilingandi.