Yunusobod tumanida ikki kollej o‘quvchisi talonchilik sodir etdi

Toshkent shahrining Yunusobod tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, 31 iyul kuni Olmazor tumanida yashovchi, Turizm kolleji 2-bosqich o‘quvchisi A.A. va Shayxontohur tumanida yashovchi, Politexnika kolleji 2-bosqich o‘quvchisi H.Q. 2-dahada turgan J.M.ga tegishli “Neksiya” rusumli avtomashinasi eshigini ochib, avtomashinaning orqa o‘rindig‘ida o‘tirgan birga yashovchi onasi G.B. bo‘lishiga qaramay, avtomashina salonidan J.M.ga tegishli ichida pullari va plastik kartochkalari bo‘lgan hamyonini olib ketganlar. 

Ko‘rilgan choralar natijasida A.A. va H.Q. ushlangan.