AQSh vs Turkiya. Qo‘shma Shtatlar turklar uchun importga imtiyozlarni qayta ko‘rib chiqmoqchi

AQSh hukumati Turkiyaning import bo‘yicha preferensiyalar dasturida (GSP) ishtirok etishi haqiqatdan ham o‘zini oqlashi yoki oqlamasligini ko‘rib chiqmoqda. Bu haqda AQSh savdo vakili veb-saytida xabar qilingan.

Idora ma'lumotlariga ko‘ra, Vashington Anqara GSP’ga kirish qoidalariga rioya qilishi bo‘yicha xavotirda.

Ta'kidlanishicha, Turkiya Qo‘shma Shtatlardan importga 1,78 milliard dollar miqdorida qo‘shimcha bojlar joriy qildi.

Shu bilan birga, Vashington Anqara bilan GSP'ga kirish muammosi ustida ishlashga umid qilmoqda.

Eslatib o‘tamiz, avvalroq Turkiya va AQSh sanksiyalar masalasi bo‘yicha muzokaralar o‘tkazgandi.

Ta'kidlanishicha, Amerika Qo‘shma Shtatlari va Turkiya davlatlar o‘rtasidagi muammolarni hal qilish uchun yaqin hamkorlik to‘g‘risida kelishuvga erishgan.