Indoneziyada yana yer qimirlashi kuzatildi. Endi sunami ham kutilmoqda

Indoneziyaning Bali va Lombok kabi kurort orollarida 5 avgust kuni 7 magnitudadagi yer silkinishi kuzatilgan. Bu holat orollarda dam oluvchilar orasida sarosimani keltirib chiqarmoqda.

Reuters xabariga ko‘ra, quyosh botgandan so‘ng yuz bergan yer qimirlashida jabrlanganlar haqida rasmiy ma'lumot haligacha taqdim etilmagan.

AQSh Geologiya tadqiqotlar markazi tarqatgan xabarga ko‘ra, yer silkinishi Lombokning ichki 10 km maydoniga qadar faollashgan. Aynan shu orolda yuz bergan yer qimirlashi oqibatida o‘tgan hafta 14 kishi halok bo‘lgani haqida aytilgandi.

Rasmiy xabarga ko‘ra, Bali va Lambokdagi xalqaro aeroportlar o‘z faoliyatini to‘xtatmagan.

Biroz soniyadan o‘tgach, silkinishi Balida ham kuzatilgan. Mamlakat favqulodda vaziyatlar agentligi kishilardan dengiz qirg‘og‘idan uzoqroqda bo‘lishni so‘ramoqda.