«Yuventus» Ronaldu futbolkalari savdosidan tushgan daromad haqida hisobot berdi

«Yuventus» klubi 2018/19 mavsumi boshlanishidan oldin, atributikalar savdosi haqidagi ma'lumotni e'lon qildi.

Tuttosport xabariga ko‘ra, Turin klubi futbolkalarning dastlabki partiyasini to‘liq sotib bo‘lgan. Hujumchi Krishtianu Ronalduning «Yuventus» klubiga o‘tganidan so‘ng, atributika savdosi chaqqonlashgan. 10 iyuldan 5 avgustga qadar «Yuventus» Ronaldu ismi tushirilgan 55 mingta futbolka sotgan, bu esa klubga 6,5 million yevro daromad keltirgan.

Futbolkalarning yangi partiyasi 2018 yilning sentabr oyida sotuvga chiqadi.

Eslatib o‘tamiz, «Yuventus» Ronaldu transferi uchun «Real»ga 112 million yevro to‘ladi. Uning maoshi yiliga 30 million yevroni tashkil qiladi.