Falastinlik jangarilar chorshanba kuni kechki soatlardan Isroil janubiga qarata taxminan 150ta raketa uchirdi, ular 25tasi tutib olindi, deb xabar bermoqda Isroil armiyasi matbuot xizmati.
"G‘azo sektoridan Isroil hududiga qarata taxminan 80ta raketa qurilmasi ishga tushirilgani qayd etildi. “Temir gumbaz” havo mudofaasi tizimi ulardan 14tasini tutib oldi", - deyiladi xabarda.
Ta'kidlanishicha, raketalar taxminan besh soat ichida uchirilgan. Avvalroq, G‘azo sektoridan Isroil hududiga taxminan 70ta raketa uchirilgani qayd etilgandi.
Isroil armiyasidan qo‘shimcha qilishlaricha, raketalarning aksariyat qismi bo‘sh yotgan yerlarga qulagan.
Bunga javoban Isroil aviatsiyasi anklavda jangarilarning yuzdan ortiq obektlarini bombardimon qildi - ularning shtablari, arsenallari, yer osti tunellari va mashg‘ulot lagerlari. Mahalliy tibbiyot xodimlari va OAV ma'lumotiga ko‘ra, bombardimonlar oqibatida uch nafar falastinlik halok bo‘ldi.
