2018 yil 8 avgust kuni O‘zbekiston Tashqi ishlar vazirligida BMT bosh kotibining Yaqin Sharq va Markaziy Osiyodagi gumanitar hamkorlik bo‘yicha yordamchisi Rashid Xalikov bilan uchrashuv bo‘lib o‘tdi.
Muzokaralar chog‘ida tomonlar O‘zbekiston va Birlashgan Millatlar Tashkilotining Gumanitar masalalar bo‘yicha muvofiqlashtiruv boshqarmasi o‘rtasidagi aloqalarni rivojlantirish istiqbollarini muhokama qildilar.
Tomonlar hamkorlikni yanada kengaytirishga, shu jumladan, Qidiruv va qutqaruv masalalari bo‘yicha Xalqaro maslahat guruhi (INSARAG) va BMTning favqulodda vaziyatlarni baholash va muvofiqlashtirish bo‘yicha guruhi (YuNDAK) doirasida O‘zbekiston salohiyatini mustahkamlash bo‘yicha chora-tadbirlar doirasida tayyorliklarini tasdiqladilar.
Uchrashuvda tomonlarni qiziqtirgan boshqa masalalar ham ko‘rib chiqildi.
