Jakarta-2018. Futbol musobaqasi startda: suratlar, taqvim va tarkib

O‘zbekiston olimpiya terma jamoasi Osiyo o‘yinlarida ishtirok etish uchun Indoneziya poytaxti Jakarta shahriga yetib bordi.

Quyida Jakarta ayeportidan suratlar hamda «V» guruhi o‘yinlari taqvimi, shuningdek tarkib va murabbiylar shtabi haqidagi to‘liq ma'lumotlar bilan tanishishingiz mumkin.

Musobaqada 25 terma jamoa 6 ta guruhga bo‘lingan holda pley-off yo‘llanmasi uchun kurash olib boradi (faqat «A» guruhidan 5 ta jamoa o‘rin olgan). Guruhlarda birinchi va ikkinchi o‘rinni egallagan 12ta jamoa chorak finalga yo‘l oladi. 3-o‘rinni olgan 6 jamoa ichidan eng yaxshi ko‘rsatkichga ega 4 tasiga ham pley-off yo‘llanmasi beriladi.

«V» guruhi
1-tur – 14 avgust
14:00. O‘zbekiston – Bangladesh
17:00. Tailand – Qatar

2-tur – 16 avgust
14:00. Bangladesh – Tailand
17:00. Qatar – O‘zbekiston

3-tur – 19 avgust
17:00. Bangladesh – Qatar
17:00. Tailand – O‘zbekiston

O‘yinlar boshlanishi Toshkent vaqti bilan ko‘rsatilmoqda.

Chorak final bahslari 26-27 avgust kunlariga belgilangan. 29 avgustda yarim final o‘yinlari bo‘lib o‘tsa, 1 sentabr kuni o‘tkaziladigan ikki uchrashuvda musobaqa g‘olib va sovrindorlarining nomi ma'lum bo‘ladi.

O‘zbekiston guruh o‘yinlarining barchasini Jakartadagi «Pakansari» stadionida o‘tkazadi.