Tanzila Norboyeva Qibray tumani xotin-qizlarining yashash va ishlash sharoitlari bilan tanishdi

O‘zbekiston Respublikasi Bosh vazir o‘rinbosari, Xotin-qizlar qo‘mitasi raisi Tanzila Norboyeva Toshkent viloyati Qibray tumaniga tashrif buyurib,  oilalardagi ijtimoiy-ma'naviy muhit, xotin-qizlarning yashash sharoitlari bilan yaqindan tanishdi. 

Tashrif davomida Bosh vazir o‘rinbosari tuman FHDYo bo‘limi faoliyati, tadbirkor ayollar, mehnat bilan band xotin-qizlarning ish jarayonlari bilan ham tanishdi, deya ma'lum qiladi Kun.uz'ning Toshkent viloyatidagi manbasi.

Shuningdek, uchrashuv davomida Qibray tumanining Xotin-qizlar bilan ishlash va oilalarda ma'naviy-axloqiy qadriyatlarni mustahkamlash bo‘yicha mutaxassislariga  oilalarda ijtimoiy-ma'naviy muhitni yaxshilash, muammoli va nizoli holatlarni hal qilishda qanday chora-tadbirlarni amalga oshirish maqsadga muvofiqligini ham ko‘rsatib o‘tdi.

 Mazkur tashrif Toshkent viloyatida Xotin-qizlar faoliyati va hayoti bilan bog‘liq ko‘plab masalalarning samarali yechimini topishda alohida ahamiyat kasb etishi shubhasiz.