09:40 / 13.08.2018
22462

Tuz iste'mol qilishning xavfsiz darajasi ma'lum bo‘ldi

Foto: iStock

Makmaster universiteti (Kanada) olimlarining aniqlashicha, kuniga besh grammdan kam miqdorda tuz iste'mol qilish gipertenziya va u bilan bog‘liq yurak-qon tomir kasalliklari rivojlanish xavfini oshirmaydi. Ilmiy ish natijalari keltirilgan maqola The Lancet jurnalida e'lon qilindi.

Tadqiqotda butun dunyo bo‘ylab 369ta aholi punktidan 30-75 yosh oralig‘idagi 95 767 sog‘lom ko‘ngillilar qatnashdi. Olimlar natriy tuzlarining kunlik iste'molini baholash uchun peshob namunalarini olishdi, shuningdek, qon bosimini o‘lchashdi. 82 544 kishidan olingan namunada yurak-qon tomir kasalliklari aniqlandi.

Ma'lum bo‘lishicha, Xitoydagi aholi punktlaridan 80 foizgacha bo‘lgan ishtirokchilar kuniga besh grammdan ko‘proq tuz iste'mol qiladilar, boshqa mintaqalarda esa bu ko‘rsatkich kuniga 3-5 grammgacha tuzni tashkil etgan. Shu bilan birga, sistolik qon bosimi har bir qo‘shimcha tuz grammiga 2,86 millimetr simob ustuniga ortgan. Biroq, juda kam miqdorda tuz iste'moli ham yurak-qon tomir kasalliklari xavfini oshiradi. Kuniga 4,7 gramm tuz iste'mol qilish darajasida yurak-qon tomir kasalliklari va natriy tuzi iste'moli o‘rtasida hech qanday bog‘liqlik aniqlanmagan.

Top