Toshkent shahar Xalq qabulxonasining mudiri tayinlandi

Tohir Mullajonov O‘zbekiston Prezidentining Toshkent shahar Xalq qabulxonasi mudiri lavozimiga tayinlandi. Bu haqda Toshkent shahar hokimligi matbuot xizmati xabar berdi.

Tohir Mullajonov 1950 yilda  tug‘ilgan. Mehnat faoliyatini 1965 yilda  boshlagan.

Mullajonov O‘zbekiston IIV jinoyat qidiruv bosh boshqarmasi boshlig‘i o‘rinbosari hamda boshlig‘i, Farg‘ona, Jizzax, Buxoro, Namangan viloyatlari IIB boshlig‘i, O‘zbekiston ichki ishlar vazirining birinchi o‘rinbosari, Ichki ishlar vazirligi akademiyasi boshlig‘i, Ichki ishlar vazirligi Toshkent Oliy harbiy bilim yurti boshlig‘i o‘rinbosari hamda O‘zbekiston Respublikasi Prezidentining Jizzax viloyati bo‘yicha Xalq qabulxonasi mudiri lavozimlarida faoliyat ko‘rsatgan. 

Tohir Mullajonov 2018 yilning 13 avgust kunidan boshlab  O‘zbekiston Prezidentining Toshkent shahar Xalq qabulxonasi mudiri lavozimiga tayinlandi.