2 kun ichida: ona qiziga pichoq bilan jarohat yetkazdi, kelin qaynonasiga pichoq urdi, ota pichoq bilan o‘g‘lini o‘ldirdi

Namangan viloyatida uchta pichoqbozlik holati yuz berdi.
 
O‘zbekiston Respublikasi Ichki ishlar vazirligining jamoatchilik va ommaviy axborot vositalari bilan aloqalar boshqarmasi ma'lumotlariga ko‘ra, 13 avgust kuni Namangan shahrida yashovchi Sh.V. uyda, oilaviy janjal paytida qaynonasi M.Yu.ga pichoq bilan zarba bergan.
 
Natijada M.Yu. kasalxonaga yotqizilgan, Sh.V. esa qo‘lga olingan.

Ikkinchi voqea shu yilning 14 avgustida yana Namangan shahrida sodir bo‘ldi.
 
Ichki ishlar vazirligining ma'lumotlariga ko‘ra, B.J. oilaviy janjal paytida mast holatida o‘z o‘g‘liga pichoq bilan zarba bergan.

Afsuski, olgan jarohatlari tufayli o‘g‘il kasalxonada vafot etdi.

Uchinchi hodisa.

Xabar qilinishicha, 14 avgust kuni Namangan shahrida yashovchi fuqaro M.M. oilaviy janjal paytida qizi Z.O.ning qorniga pichoq bilan urgan.
 
Natijada, Z.O. jarohatlar bilan kasalxonaga olib ketildi, onasi M.M. qo‘lga olindi.