Dunyodagi eng qadimgi pishloq bakteriyalarga to‘la ekanligi aniqlandi

Misrdagi maqbaradan topilgan yoshi 3200 yilga teng pishloq olimlarga o‘tmishdagi halokatli bakteriyalar haqida ko‘proq narsani aniqlashga yordam beradi.

Arxeologlar tomonidan topilgan bu pishloq qadimgi Misr amaldorlaridan biri Ptaxmes bilan birga “ko‘milgan”. Pishloq tarkibini o‘rgangan olimlar unda ko‘p miqdorda halokatli bakteriyalar borligini aniqlashdi, deb yozadi Daily Mail.

Dunyodagi eng qadimgi pishloqdan eng xavfli bakteriyalardan biri bo‘lgan brutsella topilgan.

Italiyadagi Kataniya universiteti olimlari mazkur tadqiqotlar nafaqat pishloqlar qadimda qanday tayyorlanganini, balki qadimgi bakteriyalarni o‘rganishda ham yordam beradi deb hisoblashmoqda.