Qiymati 40 mln so‘mdan ortiq bo‘lgan texnikalarni o‘g‘irlagan shaxslarga qonuniy chora ko‘riladi

Toshkent viloyatining Ohangaron tumanida shu yil 14 avgust kuni IIBga tushgan hujjatlarga ko‘ra, shu yil 5 avgust kuni noma'lum shaxs tovuq fermasiga suv yetkazib beruvchi nasos binosi eshigi qulfini buzib kirib, u yerdan umumiy qiymati 40 mln. 574 ming so‘mlik 1 dona suv nasosi va 2 dona elektrodvigatellarini o‘g‘irlab ketgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Ko‘rilgan choralar natijasida ushbu jinoyatni Ohangaron tumanida yashovchi O.S., X.A., F.S. va Olmaliq shahrida yashovchi S.U. sodir etganliklari aniqlanib, ushlanganlar.