Xitoy va AQSh savdo muzokaralari haqida yangi ma'lumot berildi

Foto: REUTERS

Amerika Qo‘shma Shtatlari va Xitoy vakillari o‘zaro savdo talablarini bartaraf etish bo‘yicha yo‘l xaritasini ishlab chiqishmoqda. Bu haqda The Wall Street Journal manbalarga tayangan holda xabar bermoqda.

Nashr ma'lumotlariga ko‘ra, Pekin va Vashington ikki mamlakat o‘rtasidagi iqtisodiy munosabatlardagi keskinlikni pasaytirish uchun savdo muzokaralarini bir necha bosqichda o‘tkazishi mumkin.

Ta'kidlanishicha, bu muzokaralar AQSh prezidenti Donald Trampning noyabr oyida XXR raisi Si Tszinpin bilan bo‘lib o‘tadigan uchrashuvidan oldin o‘tkazilishi kerak.

Eslatib o‘tamiz, avvalroq AQSh Xitoyni zarba berishga tayyorgarlik ko‘rishda gumon qilayotgani xabar berilgandi.

#AQSh #Xitoy #savdo