Osiyo o‘yinlari. Dmitriy Shokin va Svetlana Osipova yarim finalga chiqdi

Bugun ko‘plab o‘zbek sportchilari Indoneziyada bo‘lib o‘tayotgan Osiyo o‘yinlarida bahslarga kirishganlar. 

Taekvondo bo‘yicha bahslarda Dmitriy Shokin (+80kg) chorak finalda hindistonlik Akshay Kumarni 15:1 hisobida mag‘lubiyatga uchratdi va yarim finalga yo‘l oldi.

Shuningdek, Svetlana Osipova (+67kg) ham kombojalik raqibini mag‘lub etib, yarim finalga chiqdi. Osipova ilk jangida eronlik kuchli raqibini 6:3 hisobida mag‘lubiyatga uchratgan.

Charos Qayumova (-56kg) ilk jangida Sharqiy Timor mamlakati a'zosini mag‘lubiyatga uchratdi. Biroq, tailandlik raqibasiga 27-28 hisobida yutqazib qo‘ydi.

Suratlar muallifi Ma'rufjon Askarov