Foto: KUN.UZ
Joriy yilning 19 avgust, yakshanba kuni xalq deputatlari Samarqand viloyat Kengashining 7-Istiqlol saylov okrugida bo‘shab qolgan deputatlik o‘rniga saylov bo‘lib o‘tdi. Bu haqda O‘zMTDP Samarqand viloyat kengashi matbuot xizmati xabar berdi.
Viloyat saylov komissiyasidan olingan ma'lumotlarga ko‘ra, ushbu saylov jarayonida ro‘yxatga olingan 31 ming 215 nafar saylovchilardan 24 ming 587 nafari ishtirok etgan.
O‘zMTDPdan ko‘rsatilgan nomzod Erkinjon Oqbo‘tayevich Turdimovni yoqlab, 20 ming 387 nafar saylovchi ovoz bergan.
Siyosiy jarayonda eng ko‘p ovoz olgan O‘zMTDPdan ko‘rsatilgan nomzod Erkinjon Oqbo‘tayevich Turdimov 82,9 foizlik natija bilan saylovda muvaffaqiyat qozondi.
