Samarqandda 19 yoshli yigit ushlandi. U do‘kondan 11 mln so‘mni o‘g‘irlab ketgan

Samarqand viloyatining Urgut tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, shu yil 21 avgust kuni shu tumanda yashovchi S.G‘. IIBga murojaat qilib, unda shu yil 20 avgustga o‘tar kechasi noma'lum shaxs unga tegishli savdo do‘koni eshigini buzib kirib, u yerdan 11 mln so‘m pulini o‘g‘irlab ketganligini ma'lum qilgan.

Ko‘rilgan choralar natijasida ushbu jinoyatni Urgut tumanida yashovchi 19 yoshli Sh.B. sodir etganligi aniqlanib, ushlangan.