Foto: Twitter /Huda_AlHussain
Iroqning Basra shahrida kamida 18 ming kishi ichimlik suvidan zaharlandi. Bu haqda Iroq parlamentining inson huquqlari bo‘yicha komissiyasi tayyorlagan dokladda aytilgan.
Dokladda ta'kidlanishicha, shaharda maxsus kimyoviy laboratoriyalarning yo‘qligi suv ifloslanishining aniq darajasini aniqlashga imkon bermaydi. Odamlarda diareya, ichak sanchishlari va qusish qayd qilingan.
Komissiya agar yuqumli kasalliklarni bartaraf etish bo‘yicha amaliy choralar ko‘rilmasa, ular vabo epidemiyasiga aylanib ketishi mumkinligidan ogohlantirgan.
