«Real» yarimhimoyachisi Luka Modrich UYeFA tomonidan 2017/18 yilgi mavsumning eng yaxshi futbolchisi deb topildi.
32 yoshli xorvatiyalik faoliyatida ilk marotaba shunday e'tirofga sazovor bo‘ldi.
O‘tgan mavsumda Modrich «Real» bilan qatorasiga uchinchi marta Chempionlar Ligasida g‘alaba qozongan edi. Futbolchi Xorvatiya terma jamoasi bilan JCh-2018 finaligacha yetib bordi.
Sovringa undan tashqari «Liverpul» hujumchisi Muhammad Saloh va «Real»ning sobiq hujumchisi Krishtianu Ronaldu ham da'vogarlik qilgan edi.
Bundan avvalroq u YeChLning o‘tgan mavsumidagi eng yaxshi yarimhimoyachi sifatida taqdirlangani xabar qilingandi.
