«Vaz-2106» «Zil-131»ga borib urildi, ikki ayol kishi halok bo‘ldi

Jizzax shahrida 31 avgust kuni Forish tumanida yashovchi B.U. boshqaruvidagi “VAZ-2106” rusumli avtomashinasini “I.Karimov-Buyuk Turon” ko‘chalari chorrahasida haydab ketayotib, asosiy yo‘ldan harakatlanib kelayotgan A.N. boshqaruvidagi “Zil-131” rusumli yuk avtomashinasi bilan to‘qnashuv sodir etgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Natijada “VAZ-2106” avtomashinasi yo‘lovchilari, B.U.ning turmush o‘rtog‘i M.T. hamda M.Q. ismli ayollar jarohat olib kasalxonaga yotqizilgan. Ammo ko‘rsatilgan tibbiy muolajalarga qaramay ular vafot etgan.

Eslatib o‘tamiz, avvalroq Samarqandda YTH yuz bergani, haydovchining ehtiyotsizligi sabab rafiqasi va qizi halok bo‘lgani xabar qilingandi.