Andijonda chet el fuqarolari va fuqaroligi bo‘lmagan shaxslarning 50 nafariga yashash guvohnomalari berildi

Andijon viloyat ichki ishlar boshqarmasi Migratsiya va Fuqarolikni rasmiylashtirish boshqarmasi tomonidan O‘zbekiston respublikasi hududida doimiy yashash uchun murojaat qilgan chet el fuqarolari va fuqaroligi bo‘lmagan shaxslarning 50 nafariga yashash guvohnomalari berildi, deya xabar qiladi Andijon viloyati IIB Matbuot xizmati.

Boshqarma tomonidan so‘nggi ikki yil davomida jami 1064 nafar shaxsning xujjatlari O‘zbekiston Respublikasi Vazirlar Maxkamasining 178 – sonli qarori asosida O‘zbekiston Respublikasida doimiy qolish masalasi viloyat hokimligi huzurida mahsus komissiyada ko‘rib chiqildi. Maxsus komissiya tomonidan 1053 nafar shaxs ijobiy ruxsat etilganligi sababli, bugungi kunga qadar 578 nafar xorijiy fuqaro hamda fuqaroligi bo‘lmagan shaxslarO‘zbekiston Respublikasida yashash guvohnomasiga ega bo‘ldilar.