Jumabekov va Erdo‘g‘an parlamentlararo hamkorlikni muhokama qildi

Qirg‘iziston Jo‘qorg‘i Kengeshi raisi Dostonbek Jumabekov va olti yirik parlament fraksiyalari yetakchilari Turkiya prezidenti Rajab Toyyib Erdo‘g‘an bilan uchrashdi. 

Uchrashuvda ikki tomonlama o‘zaro hamkorlik, uni rivojlantirish istiqbollari muhokama etildi. Shuningdek, parlamentlararo kelishuvga erishish masalasi hal etildi. Bu haqida Jo‘qorg‘i Kengesh matbuot xizmati xabar qilmoqda.

“Rasmiy tashrifingiz ikki tomonlama aloqalarni kuchaytirishga katta yordam beradi. Bizni do‘stlik va ko‘plab sohalardagi hamkorlik o‘zaro birlashtirib turadi. Kelgusida mamlakatlarimiz uchun manfaatli shartnomalarga erishishimiz lozim”, dedi Jumabekov. 

Jumabekov Qirg‘iziston va Turkiya o‘rtasida parlamentar aloqalarni yo‘lga qo‘yish va buni Turkiy tilli mamlakatlar Parlament assambleyasi doirasida amalga oshirishning ahamiyatini alohida ta'kidlab o‘tdi. 

Erdo‘g‘an Turkiya parlamenti spikeri Binali Yildirim nomidan Jo‘qorg‘i Kengeshi deputatlariga salom yo‘lladi va shu yilning noyabr oyida Turkiyada bo‘lib o‘tadigan navbatdagi majlisga taklif etdi.