O‘zbekiston va Rossiya Mehnat vazirliklari o‘rtasida memorandum imzolanadi

Moskvada O‘zbekiston Bandlik va mehnat munosabatlari vaziri Sherzod Qudbiyev hamda Rossiya Federatsiyasi Mehnat va ijtimoiy muhofaza qilish vaziri Maksim Topilin amaliy uchrashuv o‘tkazdi.

Vazirlar mehnat migratsiyasi, mehnat migrantlarining huquqlarini himoya qilish, malakasini oshirish, demografik siyosat va ijtimoiy-mehnat sohasidagi tadqiqotlarni o‘tkazish masalalarini muhokama qilishdi.

Tomonlar ijtimoiy-mehnat sohasida ikki vazirlik o‘rtasida hamkorlik to‘g‘risidagi memorandum loyihasi yuqori darajada tayyor ekanligini ta'kidladilar. Tomonlar uni 2018 yilning kuzida imzolashi kutilmoqda.