Erdo‘g‘an: Turkiya Suriyada begunoh odamlar o‘ldiriladigan bo‘lsa, chetdan qarab turmaydi

Turkiya prezidenti Rajab Toyyib Erdo‘g‘anning tvitterda ma'lum qilishicha, agar xalqaro hamjamiyat Suriyada begunoh kishilarning o‘ldirilishi holatlariga e'tiborsizlik bilan yondashsa, Anqara chetda turmaydi.

Uning so‘zlariga ko‘ra, suriyalik oddiy fuqarolarning xavfsizligiga e'tiborsizlik bilan yondashadigan usullar «hech qanday foyda keltirmaydi».

Shuningdek, uning qo‘shimcha qilishicha, agar Suriya hukumati manfaatlari yo‘lida begunoh odamlarning o‘ldirilishi e'tiborga olinmasa, Turkiya Suriya Arab Respublikasining hamkori bo‘lib qololmaydi.

Erdo‘g‘anning alohida ta'kidlashicha, Anqara Suriyaning Idlib viloyatidagi vaziyatni tinch yo‘l bilan hal qilishni talab qiladi.

Eslatib o‘tamiz, avvalroq Suriyada respublikani tiklashda ishtirok etmoqchi bo‘lgan davlatlar ma'lum qilingandi.