O‘zbekiston va Rossiya dori vositalari ishlab chiqarish bo‘yicha hamkorlikni muhokama qildi

O‘zbekiston Respublikasi Sog‘liqni saqlash vazirligi huzuridagi Farmatsevtika sanoatini rivojlantirish agentligi rahbari Aziz Abdullayev Moskvada Rossiya farmatsevtika mahsulotlari ishlab chiqaruvchilari bilan uchrashuv o‘tkazdi.

Uchrashuvda «Soteks», «Nanolek», «Valenta Farm», «Dalximfarm» va boshqa kompaniyalar vakillari ishtirok etishdi.

Uchrashuv davomida Rossiya kompaniyalari O‘zbekistondagi farmatsevtika sanoati va mahalliy ishlab chiqaruvchilarga taqdim etiladigan imtiyozlar haqida ma'lumot oldilar.

Aziz Abdullayevning qayd etishicha, O‘zbekiston importning ulushini kamaytirish va farmatsevtika mahsulotlari ishlab chiqarishni mahalliylashtirishni maqsad qilib qo‘ygan.

Uning so‘zlariga ko‘ra, hozirgi vaqtda O‘zbekistonda farmatsevtika mahsulotlarini ishlab chiqarishga Xitoy, Hindiston va Koreya kompaniyalari tomonidan qiziqish bildirilmoqda.