Zo‘ravonlik qilgan “uch pahlavon”ga nisbatan jinoyat ishi qo‘zg‘atildi

2018 yilning 5 sentabr kuni Toshkent viloyatining Angren shahrida yashovchi Sh.N., B.D. va N.U. mast holda Bunyodkor ko‘chasida joylashgan “Afsona” to‘yxonasi orqa tomonida o‘zaro janjal oqibatida fuqaro M.A.ning tanasini turli joylariga urib-tepib jarohat yetkazganlar.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Natijada M.A. kasalxonaga yotqizilgan. Holat yuzasidan jinoyat ishi qo‘zg‘atilib, Sh.N., B.D. va N.U. ushlangan. 

Tergov harakatlari davom etmoqda.