Abxaziyada vaqtinchalik bosh vazir tayinlandi

Abxaziya bosh vaziri Gennadiy Gaguliya 8 sentabrda avtohalokatda vafot etgandan keyin bosh vazir vazifalarini vaqtinchalik Daur Arshba bajaradi. Arshba bosh vazirning birinchi o‘rinbosari bo‘lgan.

70 yoshli Gaguliya mashinasida Sochidan Abxaziyaga ketayotganda Psou-Suxum yo‘lida avtohalokatga uchragan. Gaguliya mashinasiga boshqa mashina kelib urilgan. 

Gaguliya 12 sentabrda dafn etiladi. Abxaziya rahbariyati shu kun motam e'lon qildi. Shu munosabat bilan respublikada barcha bayroqlar tushirib qo‘yiladi, madaniy muassasalar va teleradiokompaniyalar ko‘ngilochar tadbirlarni bekor qiladi.