AQShdan Milliy gvardiya delegatsiyasi O‘zbekistonga tashrif buyuradi

17 sentabr kuni Toshkentga Missisipi shtati Milliy gvardiyasi qo‘mondoni – shtat gubernatori o‘rinbosari, general-mayor J.Boylz boshchiligidagi delegatsiya tashrif buyurmoqda, deya xabar beradi O‘zA.

18-19 sentabr kunlariga mo‘ljallangan tashrif dasturidan mudofaa, ichki ishlar, FV, tashqi ishlar vazirlari, Oliy Majlis Senatining birinchi o‘rinbosari, Milliy gvardiya qo‘mondoni bilan uchrashuvlar, Qurolli Kuchlar Akademiyasiga tashrif o‘rin olgan. 

Shuningdek, mehmonlar uchun O‘zbekiston Respublikasi hukumati tomonidan qabul va konsert dasturi tashkil etilishi ko‘zda tutilgan.