Tramp BMT Bosh assambleyasi doirasida kimlar bilan uchrashishi ma'lum bo‘ldi

Foto: RIA Novosti / Nensi Sisel

Amerika Qo‘shma Shtatlari prezidenti Donald Tramp BMT Bosh assambleyasi maydonchalarida Fransiya, Buyuk Britaniya, Isroil, Misr, Yaponiya va Janubiy Koreya rahbarlari bilan uchrashadi. Bu haqda Oq uy matbuot xizmati xabar bermoqda.

E'lon qilingan jadvalga ko‘ra, Tramp 25 sentabr kuni Bosh assambleyada nutq so‘zlaydi, undan keyin BMT Bosh kotibi Antoniu Guterresh bilan uchrashadi.

Ertasi kuni Qo‘shma Shtatlar rahbari BMT Xavfsizlik kengashida yadroviy qurol tarqalishini cheklash mavzusida chiqish qiladi. Shu kuni Trampning jahon yetakchilari bilan uchrashuvlari bo‘lib o‘tadi.

Eslatib o‘tamiz, avvalroq BMT AQSh va KXDR muzokaralaridagi o‘z o‘rnini belgilab olgandi.