Kollej o‘quvchilarining janjali qon to‘kilishi bilan yakunlandi

Illyustrativ foto

Farg‘ona viloyatining Qo‘qon shahrida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, 2018 yilning 22 sentabr kuni vaqtincha “A.T.Xo‘qandiy” dahasida yashovchi Politexnika kasb-hunar kolleji 2-bosqich o‘quvchisi I.I. o‘zaro janjal sabab shu kollejning 2-bosqich o‘quvchisi E.M.ga pichoq bilan jarohat yetkazgan.

Natijada E.M. kasalxonaga yotqizilgan. Holat yuzasidan jinoyat ishi qo‘zg‘atilib, I.I. qo‘lga olingan.

Tergov harakatlari olib borilmoqda.