Xitoyda 9 o‘quvchining qotili qatl etildi

Xitoy oliy sudi 9 nafar maktab o‘quvchisini o‘ldirgan qotilni qatl etishga ruxsat berdi. Bu haqda Yuylin shahri o‘rta pog‘ona sudi ma'lum qildi.  

28 yoshli qotil Chjao Tszeveyga iyulda chiqarilgan o‘lim jazosi hukmi 27 sentabr ertalab ijro etilgan. 

Yuylin okrugining Michji uyezdidagi fojia joriy yilning 27 aprelida sodir bo‘lgan. Hanjar bilan qurollangan Tszevey maktabdan uylariga qaytayotgan o‘quvchilarga hujum qilgan. Hujum oqibatida 9 o‘quvchi halok bo‘lgan, 12 bola yaralangan. 

Jinoyatchi darhol qo‘lga olingan. Aniqlanishicha, qotil avval qurbonlari o‘qigan maktabda o‘qigan. U so‘roq vaqtida maktabda o‘qigan kezida sinfdoshlari tomonidan xo‘rlangani uchun alamini olmoqchi bo‘lgani va shu sababli birinchi duch kelgan o‘smirlarga hujum qilganini tan olgan.