15:15 / 29.09.2018
15021

Tojikistonda yuz bergan YTH oqibatida O‘zbekiston fuqarosi halok bo‘ldi

Illyustrativ foto

28 sentabr kuni Dushanbe-Xo‘jand avtomobil yo‘lida sodir bo‘lgan avtohalokat oqibatida O‘zbekistonning bir fuqarosi vafot etdi, yana biri jarohat oldi. 

Tojikiston Ichki ishlar vazirligi ma'lumotlariga ko‘ra, yo‘l-transport hodisasi Varzob tumani hududida soat 10:00lar atrofida sodir bo‘lgan. «Opel-Zefira» avtomobili haydovchisi, Varzob tumanida yashovchi 44 yoshli fuqarosi Ali Saidov boshqaruvni yo‘qotib, «Opel-Astra» avtomobili bilan to‘qnashuvni sodir etgan. Ikkinchi mashinani Dushanbe shahrida yashovchi 61 yoshli Qurbonali Pirmatov boshqargan.

Yo‘l-transport hodisasi sodir bo‘lgan joyda, 1947 yilda tug‘ilgan O‘zbekiston fuqarosi Safarov Yo‘ldosh Shodiyevich vafot etgan. «Opel-Astra»ning boshqa yo‘lovchisi, 1947 yilda  tavallud topgan O‘zbekiston fuqarosi Xushvaxtov Haydar Safarovich jarohatlandi va kasalxonaga olib ketildi.

Voqeaning sabablari aniqlanmoqda, deya xabar beradi Tojikiston IIV.

Top