Qoraqalpog‘iston hukumatining ikki muhim amaldori tuman hokimiga aylandi

Qoraqalpog‘iston Respublikasi Xo‘jayli va Qonliko‘l tumanlari hokimlari o‘zgardi, deb xabar bermoqda O‘zA.

Xo‘jayli tumaniga Qoraqalpog‘iston Respublikasi Majburiy ijro byurosi boshlig‘i lavozimida ishlab kelgan Jyenis Yermashev, Qonliko‘l tumaniga esa Qoraqalpog‘iston Respublikasi Qishloq xo‘jaligi vaziri lavozimida ishlab kelgan Baxtibay Annaqulov hokim lavozimiga tayinlangan.

Xo‘jayli tumanini shu paytgacha Daryabay Qaipov, Qonliko‘l tumanini Mels Qosnazarov boshqarib kelgan edi.