Uzog‘ini yaqin qilgan haydovchining yuziga o‘tkir tig‘li jism bilan jarohat yetkazgan yo‘lovchi qo‘lga olindi

Farg‘ona shahrida shu yil 28 sentabr kuni noma'lum shaxs M.A. boshqaruvidagi “Matiz” rusumli avtomashinasiga yo‘lovchi sifatida o‘tirib, “Shodlik” MFYga yetib kelganlarida haydovchining yuziga o‘tkir tig‘li jism bilan jarohat yetkazib, avtomashinadan tushgan va voqea joyidan yashiringan. 

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, natijada haydovchi M.A. kasalxonaga yotqizilgan.

Holat yuzasidan jinoyat ishi qo‘zg‘atilib, ko‘rilgan choralar natijasida ushbu jinoyatni Farg‘ona shahrida yashovchi S.X. sodir etganligi aniqlanib, ushlangan. 

Tergov davom etmoqda.