O‘smirlar Olimpiadasidagi ilk medal taekvondoda qo‘lga kiritildi

Buenos-Ayresda III yozgi o‘smirlar Olimpiya o‘yinlari boshlandi. Musobaqaning ilk kunida medallar uchun kurash olib borgan uch sportchidan bir nafari sovrindorlar safidan joy oldi.

Taekvondo bo‘yicha -48kg vazn toifasida O‘zbekiston sharafini qilgan Ulug‘bek Rashidov musobaqa davomida Mo‘g‘uliston va Janubiy Koreya vakillarini mag‘lubiyatga uchratib, finalgacha yetib bordi.

Hal qiluvchi jangda u rossiyalik Dmitriy Shishkoga imkoniyatni boy berib qo‘ydi va yakunda kumush medalga ega chiqdi.

Eslatib o‘tamiz, kichik olimpiada musobaqalarida 37 nafar atlet sportning 16 turida O‘zbekiston sharafini himoya qilmoqda.