O‘zbekiston va Qozog‘iston chegara masalasida muzokara o‘tkazdi

2018 yilning 8-12 oktabr kunlari Toshkent shahrida O‘zbekiston Respublikasi va Qozog‘iston Respublikasi o‘rtasidagi Davlat chegarasini demarkatsiya qilish bo‘yicha O‘zbekiston – Qozog‘iston muzokaralarining navbatdagi raundi bo‘lib o‘tdi.

TIV axborot xizmati xabariga ko‘ra, muzokaralar chog‘ida O‘zbekiston-Qozog‘iston davlat chegara chizig‘i ayrim uchastkalarini demarkatsiya qilish bo‘yicha yakuniy hujjatlarning loyihalari tayyorlandi.

Uchrashuvda O‘zbekiston-Qozog‘iston davlat chegarasida 2019 yilda bajarilishi rejalashtirilayotgan dala demarkatsiya ishlari ko‘lami ham muhokama qilindi.

Hukumat delegatsiyalarining keyingi uchrashuvini joriy yilning noyabr oyida Qozog‘iston hududida o‘tkazish belgilangan.