O‘zbekiston terma jamoasi Ektor Kuper qo‘l ostidagi uchinchi o‘yiniga kelib g‘alaba qozonishning uddasidan chiqdi. «Milliy» stadionida bo‘lib o‘tgan o‘rtoqlik bahsida KXDR termasi mag‘lubiyatga uchratildi.
37- va 90-daqiqalarda Marat Bikmayev tomonidan kiritilgan gollar terma muxlislari uzoq kutgan g‘alabaga poydevor bo‘ldi.
«KUN.UZ» fotomuxbiri 10 ta o‘yindan buyon g‘oliblik nashidasini sura olmay kelayotgan jamoaning muzaffar bahsidan jonli lavhalar tayyorlab, unda g‘alaba quvonchini aks ettirishga harakat qildi.
