NATO sobiq rahbari jahon siyosatida kim sababli «xaos» kelib chiqqanini bildirdi

AQSh prezidenti Donald Trampning «Amerika hammasidan ustun» tashqi siyosiy yondashuvi xalqaro tartibni tiklash muammosini hal qilishning bir qismi emas. Bu haqda CNBC telekanaliga bergan intervyusida NATO sobiq bosh kotibi Anders Fog Rasmussen ma'lum qildi.

NATO sobiq bosh kotibining so‘zlariga ko‘ra, faqatgina Qo‘shma Shtatlar xalqaro tartib va huquqni tiklash uchun «global qamrovdagi» harakatlarga ega.

Biroq, qiyinchilik shundan iboratki, Amerika yetakchisi Donald Tramp jahon siyosatidan chetlashdi, aynan shuning uchun ham hozirgi kunda «xaos» yuz bermoqda, deb hisoblaydi Rasmussen.

«Dunyo yetakchilikka muhtoj va faqat amerikaliklar bu yetakchilikni ta'minlab bera oladi», - deya aytib o‘tdi NATO sobiq bosh kotibi.

Rassmusen 2009 yildan 2014 yilgacha NATO bosh kotibi lavozimida ishlagan. Bundan oldin u sakkiz yil davomida Daniya bosh vaziri bo‘lgan.

Telekanalning qayd etishicha, Rasmussen bundan avval jahon tartibiga ko‘mak ko‘rsatish va siyosiy tartibsizlikni bartaraf etish uchun Qo‘shma Shtatlarni «moddiy va ma'naviy yuksaklikka ega» yagona davlat, deb hisoblashi haqida ma'lum qilgan.

CNBC’ning qo‘shimcha qilishicha, Trampning tanqidi G‘arb va Saudiya Arabistoni o‘rtasida diplomatik taranglik boshlangan vaqtga to‘g‘ri keldi. U The Washington Post’da ishlagan jurnalist Jamol Qoshiqchining yo‘qolishi bilan bog‘liq. Asli kelib chiqishi saudiyalik bo‘lgan jurnalist podshohlikning Istanbuldagi elchixonasiga tashrif buyurganidan so‘ng aloqaga chiqishni to‘xtatdi. Amerika telekanalining ta'kidlashicha, bu hodisa neftga boy podshohlikka qarshi xalqaro norozilikni keltirib chiqardi, shuningdek, moliya bozorlarda tartibsizlikka sabab bo‘ldi. 

NATO sobiq rahbarining aytishicha, Tramp 2020 yilgi prezidentlik saylovlarida qayta saylanishi borasida «xavf» mavjud. Demak, u 2024 yilgacha ishlaydi, deyiladi materialda. Uning so‘zlariga ko‘ra, Yevropa amerikaliklarga ularning «global yetakchiligi» uchun maydon taqdim etilganiga mas'uldir. Biroq, Yevropaning o‘zi «amerikaliklarga ushbu yetakchilikni amalga oshirishda yordam berish uchun ko‘proq ish qilishi kerak», deya qayd etib o‘tdi Rasmussen.

Eslatib o‘tamiz, avvalroq Rossiya AQSh bilan viza urushini to‘xtatishga tayyor ekani xabar berilgandi.