Foto: US Navy
AQShda "Tomagavk" qanotli raketalari bilan jihozlangan SSN-791 Delaware va SSN-792 Vermont atom suvosti kemalari suvga tushirildi, deb xabar berdi Amerika HDK matbuot xizmati.
Har ikki kema zamonaviy radioelektron qurilmalar majmuasi bilan jihozlangan, shovqin chiqarish darajasi juda past va 12tadan yuqori aniqlikdagi "Tomagavk" qanotli raketalariga ega.
Ular suvosti qayiqlariga qarshi kurashish va sohilbo‘yi operatsiyalari uchun mo‘ljallangan. Kemalarda shuningdek, suvosti qurilmalari, g‘avvoslar uchun shlyuzli kamera va kichik suvosti qayiqlari uchun palubali mahkamlagich ham mavjud.
