Moskvaga Trampning milliy xavfsizlik bo‘yicha maslahatchisi kelgani xabar qilindi

AQSh prezidentining milliy xavfsizlik bo‘yicha maslahatchisi Jon Bolton Moskvaga keldi, deb xabar qildi RIA Novosti diplomatik manbaga asoslanib. 

"U Moskvaga yetib keldi",- dedi agentlik manbasi.  

Avvalroq Rossiya TIV rahbari o‘rinbosari Sergey Ryabkov AQSh prezidentining yordamchisi Moskvaga kelishini, Rossiya undan AQShning raketalar bo‘yicha shartnoma borasidagi keyingi qadamlari to‘g‘risida izoh olishni mo‘ljallayotganini ma'lum qilgandi.  

Bolton tashrifi davomida Rossiya prezidenti Vladimir Putin va xavfsizlik kengashi kotibi Nikolay Patrushev bilan uchrashadi. Dushanba kuni u Rossiya TIV rahbari Sergey Lavrov bilan uchrashishi rejalashtirilgan.

Avvalroq AQSh prezidenti Donald Tramp Vashington o‘rta va kichik masofalarga mo‘ljallangan raketalarni yo‘q qilish to‘g‘risidagi shartnomadan chiqishi haqida ma'lum qilgandi.