O‘zbekistonda notariuslar soni keskin oshirildi

Aholining notarial xizmatlarga ehtiyojining oshganligi notarial idoralarda navbatlarning ko‘payishiga sabab bo‘lmoqda. Ushbu muammoni yechish maqsadida Adliya vazirligi respublika bo‘yicha notarial idoralar xodimlari sonini 665 nafarga ko‘paytirdi. 

Jumladan, adliya vazirining buyrug‘i bilan qo‘shimcha 146 ta notarius (ko‘payish – 20 foiz), 383 ta notarius yordamchisi (ko‘payish – 74 foiz) va 137 ta notarius kotibi (ko‘payish –15 foiz) shtat birliklari ta'sis etildi. Shuningdek, 69 ta yangi davlat notarial idoralari ochilishi ko‘zda tutilmoqda.

Mazkur qo‘shimcha shtatlarni sezilarli ravishda oshirishga vazirlik tashabbusi asosida Vazirlar Mahkamasi qarori bilan belgilangan notarial idoralarida xodimlar sonini belgilash mezonlari maqbullashtirilgandan keyin imkon yaratildi.

Eslatib o‘tamiz, avvalroq O‘zbekistonda notariuslar qancha pul ishlab topishi ma'lum bo‘lgandi.