Yevropa Ligasida haftaning eng yaxshi o‘yinchisi bo‘lishga nomzodlar ma'lum qilindi

Yevropa Ligasi guruh bosqichining 3-tur yakunlariga ko‘ra, UYeFA musobaqada haftaning eng yaxshi o‘yinchisi bo‘lishga nomzod to‘rt nafar futbolchini e'lon qildi.

Da'vogarlar sirasiga «Red Bull» hujumchisi Munas Dabbur, «Chelsi» yarimhimoyachisi Ruben Loftus-Chik, «Betis» xavbeki Jovani Lo Chelso va «Fenerbaxche» forvardi Mixael Fray kiritilgan.

Dabbur «Rusenborg» bilan o‘yinda ikkita gol kiritdi (3:0); Loftus-Chik BATEga qarshi bahsda het-trik qayd etdi (3:1); Lo Chelso «Milan» bilan uchrashuvda bittadan gol va samarali to‘p uzatishga muallif bo‘ldi; Fray hisobida ham «Anderlext» bilan o‘yinda 1+1 mahsuldorlik ko‘rsatkichi bor (2:2).