Mo‘g‘uliston prezidenti parlament tarqalmasa ochlik e'lon qilishga tayyorligini ma'lum qildi  

Mo‘g‘uliston prezidenti Xaltmaagiyn Battulga mahalliy telekanal efirida agar mamlakat parlamenti tarqalmasa, ochlik e'lon qilishga tayyorligini ma'lum qildi.    

Ma'lum qilinishicha, Battulga parlament raisiga parlamentning tarqatilishi masalasini muhokama qilishni taklif qilgan maktub topshirgan.  

Prezident ushbu maktubda 2016 yilgi saylovlar natijasida shakllantirilgan parlament va vazirlar mahkamasini qoralagan. Battulga ularni saylovoldi va'dalarini bajarmaslikda va davlat boshqaruvini amalga oshirishda qonunga muvofiq ishlay olmaslikda ayblagan.

“Mo‘g‘uliston konstitutsiyasida davlat hokimiyati xalqqa tegishli ekani aytilgan. Bu holatda a'zolari fuqarolar tomonidan saylanuvchi davlat hokimiyatining oliy organi fuqarolarning ishonchi va qo‘llab-quvvatlovini yaqqol yo‘qotgan va o‘z vazifalarini boshqa bajarishga qodir emas”, deb yozilgan Mo‘g‘uliston prezidenti saytida.