Tramp Shimoliy Koreya yetakchisi bilan yangi uchrashuvi qachon o‘tishi mumkinligini aytdi

AQSh prezidenti Donald Tramp Shimoliy Koreya yetakchisi Kim Chen In bilan yangi uchrashuvi taxminan 2019 yil boshida o‘tishi mumkinligini aytdi.

“Biz Shimoliy Koreya bilan muzokaralarning qanday borayotganidan mamnunmiz. Biz shoshilmayapmiz. Sanktsiyalar joyida, raketalar uchmayapti, garovga olinganlar uyida”, deb aytggan Tramp Oq uydagi matbuot anjumanda. “Oxirgi 5 oy ichida biz 70 yildagidan ko‘proq taraqqiyotga erishdik, hech kim men qilgan narsani qilolmasdi”, deb qo‘shimcha qilgan Tramp. 

AQSh prezidenti davlat kotibi Maykl Pompeoning Shimoliy Koreya vakillari bilan uchrashuvi rejalashtirib qo‘yilgan boshqa safarlar sababli boshqa sanaga ko‘chirilganini aytib o‘tgan.

12 iyunda Singapurda AQSh va Shimoliy Koreya yetakchilarining tarixdagi ilk uchrashuvi bo‘lib o‘tgandi.