Germaniya ichki ishlar vaziri Xorst Zeyexofer muddatidan avval iste'foga chiqish niyatida. Bu haqda Bild xabar bermoqda.
Nashr ma'lumotlariga ko‘ra, bu haqda u Xristian-sotsialistik ittifoq (XSI) partiyasi yig‘ilishida ma'lum qilgan.
Ta'kidlanishicha, Zeyexofer XSI raisi lavozimidan ketishini ham tasdiqlagan.
Avvalroq, OAV Bavariya bosh vaziri Markus Zeder Xristian-sotsialistik ittifoq raisi lavozimida Zeyexoferning o‘rnini egallashi mumkinligi haqida xabar bergandi.