Samarqandda isitish pechiga suyultirilgan gazni shlang orqali ulab, uxlab qolgan shaxs hayotdan ko‘z yumdi

Illyustrativ foto

Samarqand viloyatining Kattaqo‘rg‘on tumanida fojia yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 11 noyabr kuni tushgan xabarga ko‘ra, “Kumushqirg‘oq” MFYda yashagan Yu.L. ismli fuqaro uyida isitish pechiga suyultirilgan gazni shlang orqali ulab, uxlab qolgan.

Oqibatida fuqaro isitish pechidan sizib chiqqan is gazidan zaharlanib, kasalxonaga keltirilganida vafot etgan.

Holat yuzasidan surishtiruv ishlari olib borilmoqda.