O‘zbekiston va Qirg‘iziston Tashqi ishlar vazirliklari maslahatlashuvlar o‘tkazdi

2018 yilning 14 noyabr kuni Bishkek shahrida tashqi siyosatni axborot bilan ta'minlash va OAV bilan ishlash masalalari bo‘yicha O‘zbekiston-Qirg‘iziston vazirliklararo maslahatlashuvlarining ikkinchi raundi bo‘lib o‘tdi.

TIV xabariga ko‘ra, uchrashuvda Qirg‘iziston TIV Axborot departamenti direktori Muratbek Azimbakiyev o‘zi boshqarayotgan bo‘linma ish tajribasi bilan o‘rtoqlashdi.

Suhbat davomida axborot sohasidagi ikki tomonlama aloqalarda ijobiy dinamika kuzatilayotgani qayd etildi hamda hamkorlikning istiqbolli yo‘nalishlari yuzasidan fikr almashildi.