Foto: REUTERS
Zimbabvening sobiq prezidenti Robert Mugabe Singapurda davolanmoqda, u sog‘ligi yomonlashgani va keksaligi sababli yurish qobiliyatini yo‘qotgan. Bu haqda mamlakat prezidenti Emmerson Mnangagvaga tayanib Zwnews portali xabar berdi.
Mnangagvaning so‘zlariga ko‘ra, Zimbabvening 94 yoshli sobiq rahbari ikki oydan buyon davolanmoqda.
Robert Mugabe 2017 yil noyabrda harbiylar va hukmron partiya rahbarlarining bosimi ostida prezidentlik lavozimini tark etgandi.
